“’A n’Amico” (Testo di Giuseppe Lubrino)

amicizia-bimbi-cartolina.jpg

Chi nun tene suonne

se perde int’a notte e cu essa se mett’a parlà.

Sarrano ‘e troppi’penziere,

sarranno ‘e troppi’cafè

ca manco stasera ‘a pace te fanne truvà.

‘A vita è na scola

addò e maprà nun se frenesce maije

ogni juorne ij a dà n’esame

tra doije risate e nu bello guaije.

Pigliatillo mpacienza e Ddio

aijà essere forte cumpagne mio!

Chello ca he dato aijere

t’addà dà forza ogge

pè continuà a cumbattare dimane,

senza te fermà

comme a nu treno

ca pè cient’anne addà viaggià,

p’arrivà a fine d’o munno

addò nun se nchiovane ncopp’a na Croce ‘e Verità!

Sta meza luna cu doie o tre stelle

stanotte a fanne addeventà

cchiù corta e cchiù bella.

Sarranne sti ritratte

ca te regnane e ricorde

facennate vivere na storia

ca cchiù passe ‘o tiempe e cchiù nun t’a scuorde.

Na gocca ‘e bene

fa nascare nu campe e ciure,

n’acine e velene

po’ nquinà pure ‘o mare,

sarrà state na Verità

a scummiglià chella buscia

ca stu core t’aarapute a metà.

Nun ‘e penzà

comme cu tte vanne senza core

talequale ‘o Pataterno l’addà accumpagnà.

“’A n’Amico” (Testo di Giuseppe Lubrino)ultima modifica: 2012-10-23T02:32:40+02:00da anemaecore8
Reposta per primo quest’articolo