Nu bene cchiù forte d’o male (Testo di Giuseppe Lubrino)

M’arricorde cu nustalgia,

chilli juorne

quanno parlavo a tte

comm’a Ddio.

Senza paura

cu ‘a pace int’o core

era na carezza ogni parola,

ca ‘a dint’all’anema asceve pè tte.

 

Mo guarde sta luna

cù ‘e stelle attuorne,

stu cielo scure

comm’a mme,

pare ca cerche nu raggio ‘e sole

ca sule l’uocchite tuoije ce ponne dà.

Me putesse arrubbà ‘a felicità…

int’a n’abbraccio te venesse ‘a purtà!

 

‘O bene mio pè tte

nun cunosce cunfine,

ma chi campe int’a l’ombre d’a notte

la rignute ‘e spine,

cercanne d’o soffcà

ma è fuoco e nenache l’acqua

‘o po’ stutà!

Pecchè ‘a chi overo vo bene

sultante ‘o Pataterno ‘o po’ fermà!

 

Nun t’arrennare

quann’a vita male te fa,

sott’o scure ‘e stu ciele

ce sta na mano ca nun te vò lassà!

Quann”a forza nun ‘a tiene

e ‘o respire te vene ‘a manca,

ce sta nu core ca na ventata d’aria

te vene a purtà.

 

‘O bene mio pè tte

nun tene tramonto,

è vestute ‘e onestà

e porta ‘o sole nfronte.

E’ acqua fresca

ca ‘o desertte ‘e stu male

vene arracquà!

E’ senza buscie, se chiamme

sincerità!

insegnami-ad-usare-bene-il-tempo-L-8kMaiH.jpg

Nu bene cchiù forte d’o male (Testo di Giuseppe Lubrino)ultima modifica: 2012-02-01T12:50:26+01:00da anemaecore8
Reposta per primo quest’articolo