“ Na preghiera” (testo di Giuseppe Lubrino)

Sta spuntanne ‘o sole

miez’a stù munno scure,

ncopp’a sta terra

ce vo nu raggio ‘e luce,

miez’a sti guerre

ce vo nu muorze ‘e pace.

 

Sta spuntanne ‘a luna

pazzeane ‘e stelle,

‘ncopp’a sta muntagna

sonane e campane

e io m’arricorde

‘e nu juorne luntane.

 

Aizò na preghiera

pè mme, pè tte,

pè tutt’o munno!

‘O tiempe scorre e nun se ferma

e juorne pè juorne scenimme nfunnno,

‘a nuttate nun passa

e nuije speramme ‘a Maronna

ca schiare juorne!

 

Sta spuntanne ‘o bbene

miez’a chistù male,

‘o Pataterno farrà giustizia

‘a chi vo fa chello ca l’he pare,

astrignimmace ‘a Speranza

primme ca po’ scumpare.

 

Aizò na preghiera

pè mme, pè tte,

pè tutto ‘o munno!

Aizamme chesti vele

primme ca ‘e nave affonnane

int’o mare e l’indifferenza!

Dammace na mano

nun l’accirimme l’urdema speranza.